21 қазанда Т. Шарманов атындағы Ұлттық медицина университетінде Республикалық оқу-әдістемелік кеңестің «Денсаулық сақтау» даярлау бағыты бойынша оқу-әдістемелік бірлестігінің кеңейтілген отырысы өтті.

Қатысушылар үш негізгі мәселені талқылады:

«Резидентураның цифрлық платформасы» арқылы қабылдау қорытындылары, туындаған қиындықтар және оларды шешу жолдары;

ҚР Денсаулық сақтау министрінің 2026 жылғы 15 қыркүйектегі № 108 бұйрығымен бекітілген мемлекеттік жалпыға міндетті стандартты қолдану; 

Оқытушылардың білімі мен біліктілігінің «Денсаулық сақтау» даярлау бағытына сәйкестігін айқындайтын бірыңғай анықтамалықтың жобасы.

Талқылауға Жоғары білім беруді дамытудың ұлттық орталығы директорының орынбасары Ботагоз Бермухамбетова, Жоғары білім мазмұнын басқару офисінің басшысы Теміржан Әбдіхалық, Денсаулық сақтау министрлігінің Медициналық білім басқармасының басшысы А. К. Изденов және Platonus Consulting директоры А. Р. Буранбаев қатысты.

Сондай-ақ Т. Шарманов атындағы Ұлттық медицина университетінің, П. М. Поспелов атындағы Қарағанды медицина университетінің, Марат Оспанов атындағы Батыс Қазақстан медицина университетінің, Семей медицина университетінің және басқа да жоғары оқу орындарының өкілдері тәжірибелерімен және ұсыныстарымен бөлісті.

Қатысушылар білім беру бағдарламаларын денсаулық сақтау жүйесінің қажеттіліктерін, жұмыс берушілердің талаптарын және халықаралық тәжірибені ескере отырып жаңарту қажеттігін атап өтті. Әзірленген ұсыныстар болашақ медицина және фармацевтика мамандарын даярлау сапасын арттыруға көмектеседі.