Заманауи емдеу әдістері урологтар назарында

Қазақстан Республикасы Қарулы Күштерінің IV республикалық урологиялық ғылыми-практикалық конференциясы аясында мамандар қуықасты безінің қатерсіз гиперплазиясын хирургиялық емдеудің заманауи әдістерін талқылады.

Бағдарлама лазерлік және биполярлық энуклеацияны, ауруды кешенді емдеу тәсілдерін және күрделі хирургиялық жағдайлардағы әрекет ету тактикасын қамтыды. Қуықтың аса белсенділігін емдеуге, ұма ағзаларының іріңді-қабыну ауруларын емдеуге және эндоскопиялық араласулар кезіндегі пациенттердің қауіпсіздігіне ерекше назар аударылды.

Конференция клиникалық тәжірибе алмасуға және заманауи урологиядағы практикалық шешімдерді талқылауға арналған алаңға айналды.