Дүниежүзілік қант диабетіне қарсы күрес күніне орай балалар мен болашақ дәрігерлер бір сахнада өнер көрсетті

Дүниежүзілік қант диабетіне қарсы күрес күніне орай балалар мен болашақ дәрігерлер бір сахнада өнер көрсетті

Дүниежүзілік қант диабетіне қарсы күрес күніне орай балалар мен болашақ дәрігерлер бір сахнада өнер көрсетті

14 қарашада Астана қаласының № 2 қалалық балалар ауруханасында Дүниежүзілік қант диабетіне қарсы күрес күніне арналған концерт өтті. Оның басты қатысушылары 1-типті қант диабеті бар балалар болды. Олармен бірге Т. Шарманов атындағы Ұлттық медицина университетінің бірінші курс студенттері де сахнаға шықты.

Балалар мен студенттер шығармашылық нөмірлер дайындап, сахнаға шығар алдында бір-біріне қолдау көрсетті, көрермендердің қошеметіне бірге бөленді. Концерттен кейін балаларға сыйлықтар табысталып, мерекеге қатысушылар жылы әңгімелесті.

Кездесуді өткізуге № 1 балалар аурулары кафедрасының оқытушысы, Астана қаласы Қоғамдық денсаулық сақтау басқармасының штаттан тыс бас балалар эндокринологы Г. К. Абдуахасова бастамашы болды. Концертті ұйымдастыруға № 1 балалар аурулары кафедрасы мен жалпы және биологиялық химия кафедрасының қызметкерлері, сондай-ақ университет студенттері атсалысты.

Бірінші курс студенттері үшін бұл мереке балалармен және олардың ата-аналарымен танысып, оларды тыңдап, қолдау көрсетуге мүмкіндік берді. Ал балалар көрермендер алдында өнер көрсетіп, таланттарын танытып, жаңа достар тапты.

«Қаншама әсер алдық, күлкі мен сыйлыққа кенелдік. Ең бастысы — балалар бақытты», — деп ата-аналар концерттен кейін өз әсерлерімен бөлісті.

Іс-шараға К. М. Хамчиев басқаратын университеттің жергілікті кәсіптік одағы және Р. К. Байканова төрағалық ететін «Университеттің денсаулық сақтау қызметкерлерінің кәсіптік одағы» қоғамдық бірлестігі материалдық қолдау көрсетті.

Тізімге оралу
© 2026, Т.Шарманов атындағы Ұлттық медицина университеті
Астана қаласы, Бейбітшілік көшесі 49а
тел.: +7 (7172) 53 94 47; +7 700 153 94 47
Яндекс.Метрика