2021 жылғы 12-14 мамыр аралығында Университеттің оқытушы-профессорлар құрамы үшін «Педагогика саласында сана-сезім картасын қолдану» тақырыбында онлайн семинар өткізілді. Семинарды тренер-психолог, «В.Г. Корпачев атындағы патологиялық физиология» кафедрасының профессоры Жайна Байдуллақызы Айтбаева жүргізді. Бұл семинарда бір эмоциядан екінші эмоцияға тиімді ауысу арқылы өзіңіздің эмоциялық күйіңізді басқару әдістемесі, Д. Хоукинс шкаласы бойынша сананың әртүрлі деңгейлерінің денсаулыққа тигізетін әсері, сондай-ақ сананың бір деңгейінен екінші деңгейіне ауыса білу және эмоцияларыңызды басқара білу қабілеті қарастырылды. Семинарды Инновациялық және симуляциялық білім беру технологияларын трансферттеу орталығы ұйымдастырды.