Павлодар қ. "Достық" білім беру орталығының оқушыларына таныстыру экскурсиясы.

29 қарашада сағат 15-00-де Жастар ісі және спорт орталығы Павлодар қаласының "Достық" білім беру орталығының 11 сынып оқушыларына және 2 басшыға экскурсия өткізді.

Экскурсия барысында оқушылар университет мұражайына барып, университет тарихы, оқытушылар мен студенттердің жетістіктері бойынша тақырыптық экскурсия өткізді. Университет мұражайы бойынша экскурсияны жарияланымдарды қолдау және кітапханалық қызмет көрсету орталығының жетекшісі - Кенжегулова Назира Жұмалиевна жүргізді.

Сондай-ақ, оқушыларға кәсіптік бағдар беру жұмысы, университетте оқу және жатақханада тұру туралы ақпарат жеткізілді.