Іс-шараның үшінші күні жұмыс пакеттерінің тәуекелдері талқыланды: жобаны іске асыру сапасын қамтамасыз етуге байланысты тәуекелдер; жобаны БАҚ-та жариялаудағы беделдік тәуекелдер; ақпараттық тәуекелдер; мақсатты топтардың аз тартылуына байланысты тәуекелдер; тілдік кедергілерге; «Мейіргер ісі» мамандығын одан әрі дамыту үшін магистратура және докторантура деңгейінде оқытушылардың жетіспеушілігімен байланысты тәуекелдер және басқалары. Кездесу соңында осы тәуекелдерді, олардың салдары мен шешімдерін талдау туралы шешім қабылданды.
Сонымен қатар, жобаны диссемминациялау жоспары ұсынылды: жобаны және «Мейіргер ісі» мамандығын насихаттау арналары; орындалған жұмыс нәтижелерін үнемі жариялау үшін барлық серіктестердің тартылуының қажеттілігі. Болашақта жобаның сайты, әлеуметтік парақшалары ашылады, онда «Accelerating Master and PhD level Nursing Education Development in the Higher Education System in Kazakhstan» – AccelED жобасымен толығырақ танысуға болады.
Жобаның үш күні де жемісті болды деп айтуға болады, әр пакеттің міндеттері толықтай талқыланды.
Кездесудің барлық қатысушыларына, жоба серіктестеріне іс-шараның сәтті өткізілуіне байланысты алғыс айтамыз және одан әрі қолайлы жемісті тілейміз!
