«Астана медицина университетінің үздік түлегі» атағын беру үшін конкурс өткізу туралы хабарландыру.
Интернатура мен резидентура түлектері арасында конкурс өтетінін хабарлаймыз.
Конкурстың мақсаты – меңгерген құзыреттер аясында қазіргі заманғы талаптар деңгейінде медициналық көмек көрсетуге қабілетті маман ретінде өзін танытқан Университет түлектерін ынталандыру.
Конкурсқа қатысудың жалпы критерийлері:
- оқу үрдісіндегі үлгерім көрсеткіштері;
- зерттеу қызметі (СҒЗЖ, журналдардағы жарияланымдар, конференцияларға қатысу және т.б.);
- интерн мен резиденттің құзыреттілік деңгейлеріне сәйкестігі.
Құжаттар ағымдағы жылдың 15 мамырына дейін қабылданады.
Конкурс 4 кезеңде өтеді:
1-кезең – ҰТЕО-дағы өзін-өзі бағалау тестілеуінің нәтижесі;
2 кезең – игерілген клиникалық құзыреттер туралы бейнеролик;
3 кезең – портфолионы бағалау (резиденттер үшін);
4-кезең – ғылыми жобаның презентацияcы.
Конкурсқа қатысу үшін ұсынылатын құжаттар:
- конкурсқа қатысу үшін белгіленген үлгіде жазылған өтініш;
- ҰТЕО-дағы тестілеу нәтижесі (өзін-өзі бағалау);
- игерілген клиникалық құзыреттер туралы бейнеролик;
- ғылыми жобаның презентацияcы (электрондық түрде);
- резидентурада оқу кезеңіндегі резиденттердің портфолиосы;
- фотосуреті бар түйіндеме;
-кафедра меңгерушісі мен тәлімгер куәландырған мінездеме;
- дипломдар, сертификаттар (халықаралық, республикалық, аймақтық және қалалық олимпиадалар, конкурстар, фестивальдар және басқа да іс-шаралар);
- практикадан өткені туралы сертификаттар, сертификаттар (KAZTEST, IELTS, TOEFL), тағылымдамадан өткені туралы сертификаттар, жобалар мен бағдарламаларға қатысқаны туралы сертификаттар (бар болған жағдайда);
- журнал, газет құжаттары, фотосуреттер, жетістіктерін көрсететін бейнематериалдар және басқа да құжат түрлері;
- (болған жағдайда) ғылыми жұмыстардың тізімі (тізімі, көшірмелері).
Ағымдағы жылдың 15 мамырына дейін барлық құжаттарды PDF форматында kz-guka@mail.ru электрондық поштасына жіберуді сұраймыз.