Мақсаты
Балалар жасындағы жиі кездесетін аурулардың диагностикасын, дифференциалды диагностикасын және емдеу дағдыларын меңгерген, бала дәрігеріне құзыреттілігі сәйкес білікті маманды даярлау.
Құрылу тарихы
Педиатрия факультетінде 2012 жылға дейін толық көлемде педиатрларды даярлау жүргізілді. Жыл сайын 120-дан астам педиатрлар оқу бітірді. Педиатрия факультетінде әр жылдары декан болып қызмет атқарғандар: медицина ғылымдарының докторы, профессор Скучалина Л.Н., медицина ғылымдарының докторы, профессор Орманов Б.Б, сонымен қатар бірнеше жылдар бойы факультетті медицина ғылымдарының докторы, профессор Мулдахметов М.С. басқарды - №2 балалар аурулары кафедрасының меңгерушісі.
Болондық білім беру жүйесіне көшуге және педиатриялық факультеттердің жабылуына байланысты 10 жыл бойы балаларға амбулаториялық көмекті жалпы тәжірибелік дәрігерлер жүзеге асырды. Қазақстан Республикасы Үкіметінің қаулысымен педиатрия факультеті қайта ашылды.
Мектеп құрамында педиатриялық пәндер кафедралары бар, «Педиатрия» мамандығының білім беру бағдарламасын жүзеге асыруға университеттің 35-тен астам кафедралары қатысады.
2021 жылы 1 қыркүйекте Астана медицина университетінің КеАҚ-қа 6В10118 «Педиатрия» білім беру бағдарламасы бойынша алғашқы білім алушылары қабылданды. 2022 жылдан бастап университетте Үздіксіз интеграцияланған медициналық білім беру шеңберінде «Педиатрия» 6В10125 білім беру бағдарламасы іске асырылуда.
Қазіргі уақытта «Педиатрия» білім беру бағдарламасында 900-ден астам білім алушы оқиды.
Қызметі
«Педиатрия» мектебінің қызметі мемлекеттің және университеттің стратегиялық мақсаттарына толығымен сәйкес және факультеттің даму стратегиясын әзірлеу мен бірге жұмыс берушілермен қарым-қатынасты нығайту және дамыту, университеттің кафедралары және құрылымдық бөлімшелерімен бірлесіп білім беру бағдарламаларын әзірлеу және жетілдіру, факультеттегі оқу жұмысының ұйымдастырылуын, орындалуын бақылауды қамтамасыз ету, емтихандық сессиялардың нәтижесін сараптау, оқу процесінің ұйымдастырылуы бойынша ұсыныс әзірлеу және сапасын жақсарту болып табылады.
Педиатрия мектебі кафедра меңгерушілерімен бірлесе отырып профессорлық-оқытушылар құрамына кадрларды іріктейді, факультетте білім беру процесін қамтамасыз етеді. Білім беру бағдарламаларын аккредиттеу мен аккредиттеуден кейінгі мониторинг кезінде белсенді қатыса отырып, дайындық процесін ұйымдастырады.
Білім алушылар оқу корпустарында, университеттің клиникалық базаларында және басқа да денсаулық сақтау мекемелерінде білім алады.
Оқу процесінде білім алушылардың өзіндік жұмысына үлкен рөл беріледі. Білім алушылар өздерінің құқықтары мен міндеттері, қолданыстағы бұйрықтар мен нұсқаулар және академиялық саясатпен білім алушылардың этикалық кодексімен толықтай таныс. Тәрбие жұмысы аясында мінез-құлық мәдениеті және сыбайлас жемқорлық пен құқық бұзушылықтың алдын алу бойынша әңгімелер жүргізіледі. Мектептің қызметі Қазақстан Республикасының заңнамалық нормаларына, Қазақстан Республикасы Білім және ғылым министрлігі, Қазақстан Республикасы Денсаулық сақтау министрлігі, «АМУ» КеАҚ мектебі туралы ережелеріне және лауазымдық нұсқаулықтарына сәйкес жүзеге асырылады.
Факультет кафедрасының оқу процесіне оқытудың инновациялық әдістері, бақылаудың жаңа формалары, балалар ауруларының алдын алу мен емдеудің заманауи әдістері белсенді түрде енгізілуде. Кафедралардың жоғары білікті қызметкерлерімен пәндердің оқу-әдістемелік кешендерді, білім беру бағдарламаларын дамытуды және мониторинг стейкхолдердің (мүдделі тараптардың) сұраныстарына сәйкес жүзеге асырылады.
Мектеп білім алушылары республикалық және халықаралық конференциялар, түрлі іс-шаралар және академиялық ұтқырлық бағдарламаларына, волонтерлік жұмыстарға қатысады.
Жетістіктері
«Педиатрия» білім беру бағдарламасы қазіргі таңда Басқарма төрағасы - Ректордың м.а. 2021 жылғы 25 мамырдағы № 265н/қ «6В10118 «Педиатрия» бакалавриаттың білім беру бағдарламасы бойынша өзін-өзі бағалау туралы» бұйрығы негізінде ECF/ESFQA медициналық ұйымдар агенттігінде аккредиттелген. 5 жыл мерзімге сертификат берілді. Кафедра қызметкерлері өздерінің педагогикалық және дәрігерлік біліктіліктерін белсенді түрде арттырады; олар білім арттырудан және тағылымдамалардан өтеді (Республика бойынша және шетелдерде); қоғамдық және кәсіптік бірлестіктердің (балалар жұқпалы аурулары қоғамы, Қазақстандық педиатрлар қауымдастығы) мүшелері болып табылады; республикалық және халықаралық деңгейдегі конференцияларға қатысу; жарияланымдар мен тезистардың (Web of Science және Scopus, республикалық журналдармен басқа елдің басылымдары) авторлары болып табылады.
Кафедралардың жоғары білікті мамандары практикалық денсаулық сақтау саласымен белсенді ынтымақтастықта. Кафедра қызметкерлерімен Республика аумағында ұйымдастыру-әдістемелік, емдеу-диагностикалық жұмыстары ауқымда жүргізілуде.
Білім беру, клиникалық және ғылыми қызметтерді алмастыру аясында шетелдік серіктестермен халықаралық ынтымақтастықтар кеңейтілуде.
Кафедралардың профессорлық-оқытушылық құрамы медициналық ұйымдарға, денсаулық сақтау субъектілері консультативтік-тәжірибелік көмек көрсетеді (өңірлерге бару, сараптамалық жұмыстар, кеңес беру, ота жасау, оқыту, диагностика мен емдеудің жаңа инновациялық әдістерін әзірлеу және енгізу, бірлескен жобалар, клиникалық хаттамаларды әзірлеу және т.б.). Факультет білім алушылары волонтерлік қозғалыстарды ұйымдастырады: университет ардагерлерінің курациясы, «Сәбилер үйі», «Қарттар үйі» курациялары, қалалық, республикалық және халықаралық іс-шараларға қатысу.
Байланыс:
Астана қаласы,
Бейбітшілік көшесі,49а
2-қабат, 204, 204а - кабинеттер;
тел.:8(7172) 539-434
