Профессор Г.В. Цой атындағы хирургия ғылыми-білім беру орталығы

Басшылық

Кожахметов Сакен Кайруллинович
Институт директоры

Медицина ғылымдарының кандидаты, профессор, хирург, ғалым және педагог.

1973 жылғы 29 тамызда Солтүстік Қазақстан облысы Ғ. Мүсірепов ауданының Новоселовка ауылында дүниеге келген.

1997 жылы Ақмола медициналық институтын «Емдеу ісі» мамандығы бойынша бітірген.

1998–2001 жылдары «Хирургиялық аурулар» мамандығы бойынша аспирантурада оқыған.

2006 жылы кандидаттық диссертациясын қорғап, кейін профессор ғылыми атағын алған.

Еңбек жолын 1997 жылы Ақмола медициналық институтының №1 хирургиялық аурулар кафедрасында бастаған.

2001–2008 жылдары Қазақ мемлекеттік медицина академиясының факультеттік хирургия кафедрасында ассистент, кейін доцент болып жұмыс істеген.

2008–2009 жылдары емдеу факультетінің деканы қызметін атқарған.

2009–2018 жылдары «Астана медицина университеті» КеАҚ-да №1 хирургиялық аурулар кафедрасында қызмет атқарып, 2010–2015 жылдары Астана қалалық көпбейінді ауруханасының №2 операциялық блогын басқарған.

2018 жылы пластикалық және ангиохирургия курсы бар хирургиялық аурулар кафедрасының меңгерушісі болып тағайындалды.

2020 жылдан бастап профессор Г.В. Цой атындағы хирургиялық аурулар кафедрасының меңгерушісі қызметін атқарды.

80-нен астам ғылыми жарияланымның, оның ішінде Scopus базасында индекстелетін халықаралық рецензияланатын журналдардағы мақалалардың және 14 патент пен авторлық куәліктің авторы.

Хирш индексі — 7.

Профессор Қожахметовтың ғылыми және педагогикалық қызметі хирургия ғылымын дамытуға, инновациялық технологияларды енгізуге және жаңа буын мамандарын даярлауға бағытталған.

Кадрлық құрам

Директордың орынбасары

Волчкова Ирина Сергеевна