HR (Human Resources, Адами ресурстарды басқару) басқармасының мақсаттары
HR басқармасының мақсаттары бизнес нәтижелеріне қол жеткізу үшін адами капиталды тиімді пайдалануға бағытталған.
HR басқармасының негізгі мақсаттары:
Стратегиялық мақсаттары
-
Университетті таланттармен қамтамасыз ету: білікті және құнды қызметкерлерді тарту, іріктеу және ұстау.
-
Корпоративтік мәдениетті қалыптастыру: Университеттің құндылықтарын, миссиясын және этикасын дамыту.
-
Қызметкерлердің тиімділігін арттыру: құрылымды оңтайландыру, міндеттер мен KPI бөлу.
-
Өзгерістерді басқару: өзгерістер (өсу, бірігу, цифрландыру және т.б.) кезеңінде қызметкерлерді қолдау.
Операциялық мақсаттары
-
Қызметкерлерді іріктеу және жұмысқа қабылдау: бос орындарды лайықты үміткерлермен уақтылы жабу.
-
Оқыту және дамыту: тренингілер ұйымдастыру, тәлімгерлер тағайындау, мансаптық өсу.
-
Тиімділікті бағалау: аттестациялар, performance review, 360 градустық кері байланыс.
-
Мотивация және өтемақыларды басқару: бонустар, сыйақылар және әлеуметтік пакет жүйесін әзірлеу.
-
Еңбек заңнамасының сақталуын бақылау: кадрлық есеп жүргізу, кемсітушілікті болдырмау және тең мүмкіндік саясаты.
Әлеуметтік-психологиялық мақсаттар
-
Ішкі коммуникацияны жақсарту.
-
Жайлы жұмыс ортасын құру.
- Қызметкерлердің белсенділігі мен қанағаттануын қолдау.
Құрылу тарихы
Кадрлық қызмет ЦММИ құрылған күннен бастап жұмыс істеп келеді. Бұл қызметті әр кезеңде әртүрлі басшылар басқарған: К.С. Захлевный, Л.А. Еременко, З.Е. Андрейко, З.Б. Мамед, С.Р. Баймұхамбетова, Ж.А. Құрманғалиева. Қазіргі уақытта HR басқармасын И.И. Зикенов басқарады.
Басқарма өз миссиясын қалыптастырды, менеджменттің интеграцияланған жүйесі саласындағы стратегиялық бағдарлар мен мақсаттарды айқындады, бұл өз кезегінде университеттің мақсаттарымен және миссиясымен үйлесімді интеграцияланып, персоналды тиімді басқаруға және жоғары нәтижелерге қол жеткізуге негіз жасады.
HR басқармасы қызметкерлерге кадрлық іс жүргізу, еңбек заңнамасы және өзге де нормативтік-құқықтық актілер бойынша кеңес беріп отырады. Тұтынушының қанағаттанушылығын қадағалау мақсатында кері байланысты есепке алу үшін көрсетілетін қызметтер бойынша сауалнама жүргізіледі.
Жетістіктері
-
Қызметкерлердің жеке істерін сақтау жүйесі оңтайландырылып, анықтама беру уақыты 30%-ға қысқартылды;
-
«Электрондық еңбек биржасы» www.enbek.kz мемлекеттік ақпараттық порталындағы деректер үнемі жаңартылып отырады;
-
«PLATONUS» ақпараттық жүйесі жұмыс істейді;
-
Headhunter платформасында бос жұмыс орындары мен түйіндемелерге тұрақты мониторинг жүргізіледі;
-
1С: «Жалақы және кадрлық басқару» (ЗУП) жүйесі арқылы кадрлық қызмет автоматтандырылып, цифрландырылды;
-
Мемлекет басшысының кадр мәселелеріне байланысты мекемелердің жұмысын толық автоматтандыру туралы тапсырмасына сәйкес «Бірыңғай кадр жүйесі» (БКЖ) ақпараттық жүйесі енгізілді;
-
Оқытушы-профессорлар құрамын цифрлық платформада конкурс арқылы іріктеу бағдарламасы әзірленіп, енгізілуде;
-
Жаңа қызметкерлер үшін Welcome-тренинг жүйесі құрылып, жұмыс істеп тұр.
HR басқармасының барлық қызметі персоналды басқару саласындағы заманауи әлемдік үрдістер негізінде университет қызметкерлеріне қызмет көрсету сапасын жақсартуға және заманауи цифрлық шешімдерді енгізуге, ұдайы дамытуға және жетілдіруге бағытталған.
Мекен-жайы:
Абай даңғылы 47, 6-қабат, 621 каб.
