Медицина мектебі

Мақсаттары

Еңбек нарығының заманауи талаптарына жауап беретін, сұранысқа ие, білікті «Жалпы медицина» мамандығы бойынша медицина бакалаврларын дайындау

Құрылу тарихы

2007 жылы Қазақстан Республикасында медициналық және фармацевтикалық білім беруді реформалау тұжырымдамасын қабылдаумен «Жалпы медицина» мамандығы бойынша дәрігерлерді даярлау басталды.

«Астана медицина университеті» КеАҚ-да тұжырымдаманы іске асыру ректор Ж.А. Доскалиевтің 2007 жылғы тамыз айында «Жалпы медицина» мамандығы факультетін құруынан басталды. Факультет деканының орынбасары лауазымына б.ғ.к., биологиялық химия кафедрасының доценті Байканова Раушан Карабаевна шақырылып, деканат жұмысын ұйымдастырып, алғашқы студенттерді қабылдады. Бұдан соң факультет деканының орынбасары қызметіне доцент Игенбаева Бахыт Балкеновна кірісті. Сол жылы факультеттің алғашқы деканы болып м.ғ.д., профессор Туганбеков Турлыбек Умитжанович тағайындалды.

Жаңа студенттерді қабылдауға байланысты факультет деканының орынбасарлары болып Тайжанова Ляззат Евгеньевна, Нұрхан Бақшагүл Кәрібайқызы тағайындалды. Одан әрі «Жалпы медицина» мамандығының факультетін м.ғ.к., PhD докторы Куспаев Ержан Нургалиевич басқарды.

Кейінгі жылдары факультет деканы қызметін м.ғ.к., доцент Суманова Айгуль Махсатовна, м.ғ.к., доцент Калиева Айжан Каирбековна атқарды.

2011 жылдың ақпан айынан бастап қазіргі уақытқа дейін факультет деканы м.ғ.д., қауымдастырылған профессор Махамбетов Кайргельды Омбаевич болып табылады.

Қазіргі уақытта медицина факультетінің құрамына 38 кафедра кіреді, ал «Жалпы медицина» мамандығының білім беру бағдарламасын іске асыруға университеттің 40-тан астам кафедрасы қатысады. Факультетте 4000-нан астам студент оқиды, бұл бакалавриат студенттерінің жалпы санының 60% - дан астамын құрайды. 2012 жылы «Жалпы медицина» мамандығы бойынша медицина бакалаврларының (457 студент) алғашқы шығарылымы өтті.

Қызметі

Факультеттің қызметі факультеттің даму стратегиясын әзірлеу, жұмыс берушілермен және білім беруді басқару органдарымен сыртқы байланыстарды нығайту және дамыту, университеттің құрылымдық бөлімшелерімен және кафедраларымен бірлесіп білім беру бағдарламаларын әзірлеу және жетілдіру, оқу жұмысының ұйымдастырылуы мен барысын бақылауды жүзеге асыру, емтихан сессияларының нәтижелеріне талдау жүргізу, оқу процесін ұйымдастыруды жақсарту және оқыту сапасын арттыру бойынша ұсыныстар әзірлеу болып табылады. Факультет кафедра меңгерушілерімен бірлесіп профессорлық-оқытушылық құрамның кадрларын іріктеуді, факультетте білім беру процесін қамтамасыз етуді жүзеге асырады. Факультет кеңесінің жұмысын басқарумен, факультет жұмыс жоспарларының орындалуын бақылаумен, оларды университеттің даму жоспарларымен үйлестірумен айналысады. Даярлау процесін ұйымдастырады және білім беру бағдарламаларын аккредиттеуге және аккредиттеуден кейінгі мониторингке белсенді қатысады. Білім алушылардың қосымша құзыреттерін дамыту үшін жазғы мектепті ұйымдастыру бойынша тұрақты жұмысты, курстар мен пәндер/модульдер бөлінісінде мамандық бойынша түлектің құзыреттерін игеруді үздіксіз талдауды жүргізеді.

Жетістіктері

Жаһандану жағдайында бәсекеге қабілетті, тілдік мәдениетті меңгерген көптілді оқытуды өзектендіруге байланысты 2009 жылы факультетте алғаш рет ағылшын тілін оқыту бойынша эксперименттік топ құрылды. Көптілділік бағдарламасын жүзеге асыру аясында 2012 жылдан бастап факультетте көптілді топтар құрылды, олардың саны бүгінгі таңда 31-ді құрайды, онда 593 студент оқиды. 2018 жылдан бастап факультетте оқыту тілі бойынша төрт инклюзивті топ құрылды.

2012 жылы факультет Жалпы хирургия кафедрасымен бірлесіп «Veritas» студенттік хирургиялық клубын құрды, ол көптеген халықаралық конкурстар мен олимпиадалардың (Мәскеу, Санкт-Петербург, Томск, Новосибирск, Уфа) жеңімпазы болды. 2019 жылы терапияның бес бағыты бойынша «Консилиум» студенттік терапевтік клубы құрылды.

2019 жылы алғаш рет «АМУ» КеАҚ студенттерінің және Қазақстан, Ресей, Қырғызстанның басқа да жоғары оқу орындарының қатысуымен университетте хирургия және реабилитология бойынша жазғы мектеп жұмысын іске асыру басталды. Қазіргі уақытта жазғы мектеп бағдарламасы медицинаның өзекті бағыттары бойынша 14 циклды құрайды. Пандемия кезінде жазғы мектеп офлайн және онлайн форматта өткізілді. 2019 жылы алғаш рет «Акдениз» университетінде (Анталия) Қазақстан, Ресей, Қырғызстан, Түркия білім алушыларының қатысуымен хирургия және терапия бойынша халықаралық жазғы мектеп ұйымдастырылды.

2019 жылы университет базасында алғаш рет 6 елден (Қазақстан, Ресей, Беларусь, Өзбекстан, Қырғызстан, Моңғолия) 23 команданың қатысуымен медицина бойынша I Халықаралық олимпиада өткізілді.

2012 жылдан бастап факультет жақын және алыс шетелдерге (Ресей, Беларусь, Өзбекстан, Болгария, Оңтүстік Корея, Италия, Литва, Словения, Польша, Түркия) академиялық ұтқырлық бағдарламасын жүзеге асыруда.

Жыл сайын ҚР Президенті атындағы, В.Г. Корпачев атындағы атаулы стипендиялардың және «КазЭнерджи» грантының иегерлері «Жалпы медицина» мамандығының бакалавриат студенттері болып табылады.

Факультет студенттері еріктілер қозғалысын ұйымдастырады: «Диабет күні», Университет ардагерлеріне курация, «сәбилер үйі», «қарттар үйі» курациясы, қалалық, республикалық және халықаралық іс-шараларға қатысу.

Байланыс

Нұр-Сұлтан қ., Бейбітшілік көшесі, 49А, 4 қабат, 205, 207 каб.

Тел.: 8 (7172) 53 94 37, 53 94 40