Мақсаттар
Оқу қызметін, әдістемелік, клиникалық және тәрбие қызметтерін жоспарлауды, үйлестіруді және іске асыруды қамтамассыз ету, сондай-ақ білім алушылардың білімін ағымдағы, межелік (аралық) және қорытынды бақылауды бекітілген оқу жоспарларына сәйкес ұйымдастыру.
Резидентура, магистратура және докторантурада оқыту арқылы бәсекеге қабілетті, жоғары білікті ғылыми-педагогикалық кадрлар мен мамандарды даярлау, сондай-ақ олардың кәсіби құзыреттілік деңгейін жүйелі түрде арттыру.
Педиатрияның іргелі және басым бағыттары бойынша практикалық денсаулық сақтау қажеттіліктеріне бағдарланған ғылыми-зерттеу жұмыстарын ұйымдастыру және жүргізу, сондай-ақ зерттеу нәтижелері мен инновациялық медициналық технологияларды клиникалық практикаға және білім беру үдерісіне кейіннен енгізу.
Кафедраның іске асырылатын бағыттары мен даярлау мамандықтары бойынша даму стратегиясын қалыптастыру және жүзеге асыру, практикалық денсаулық сақтау ұйымдарымен, жұмыс берушілермен және білім беруді басқару органдарымен өзара іс-қимылды кеңейту және нығайту.
Кафедра бейіні бойынша білім берудің мемлекеттік жалпыға міндетті стандарттарының талаптарына сәйкес жоғары және жоғары оқу орнынан кейінгі кәсіптік білім беру бағдарламаларын жүзеге асыру.
Мамандарды даярлау сапасын қамтамасыз ететін кафедраішілік жүйесін құру және жетілдіру.
Кафедра пәндері бойынша барлық оқу сабақтары мен білім беру нысандарының жоғары деңгейде өткізілуін қамтамасыз ету.
Белгіленген оқу жүктемесіне сәйкес кафедраның профессор-оқытушылар құрамы тарапынан білім алушылардың үлгерімін электрондық есепке алуды ұйымдастыру және жүргізу.
Кафедраның оқу, әдістемелік, клиникалық, ғылыми және тәрбиелік қызметінің жоспарлы және ағымдағы мәселелерін қарау және талқылау мақсатында кафедра отырыстарын өткізу.
Кафедра пәндері бойынша жұмыс оқу бағдарламалары мен оқу-әдістемелік материалдарды әзірлеу және өзектендіру.
Құрылу тарихы
Целиноград мемлекеттік медицина институтында "Педиатрия" мамандығы бойынша дәрігерлерді даярлау 1979 жылы емдеу ісі факультетінің балалар аурулары кафедрасында басталды. Балалар аурулары кафедрасының алғашқы меңгерушісі м.ғ.к., доцент Чучупалов Д.П. педиатрия факультетінің ашылуымен, 1979 жылы педиатрия факультетінің балалар аурулары кафедрасы ұйымдастырылды. Кафедраны м.ғ.к., доцент Руденко Н.А., кейін м.ғ.к., доцент Коршунов С.Ф. басқарды.
1987-1999 жылдар аралығында балалар аурулары кафедрасын м.ғ.к., доцент Скучалина Любовь Николаевна басқарды, сонымен қатар педиатрия факультетінің деканы болды. Кафедра жұмыс істеген жылдар ішінде аймақтың педиатриялық қызметінің дамуына, балаларға педиатриялық көмек көрсету үшін білікті педиатр-дәрігерлерді дайындауға үлкен үлес қосты: профессор Скучалина Л.Н., доценттер - Хайруллин Б.Е., Скударнов Е.В., Мусина Б.К., Сатыбаева Р.Т., Уразова С. Н., Моренко М. А., Галимгожина Н. И., Чехович Г.И., ассистенттер – Басурманова Т. В., Вагнер В. Р., Железняк Л.И., Аксенова Р.И., Торчикова Г.С., Быкова Н.Д., Иванова Н. Д., Митина М. С.
Пропедевтика курсымен №1 балалар аурулары кафедрасы педиатрия факультетінің балалар аурулары кафедрасының 2000 жылдың қаңтарында бөлінуі нәтижесінде құрылды. №1 балалар аурулары кафедрасының бірінші меңгерушісі медицина ғылымдарының докторы, профессор Розенсон Рафаил Иосифович болды, ол кейіннен педиатрия факультетінің деканы және кейінірек ғылым жөніндегі проректор болып тағайындалды.
2005 жылдан бастап кафедраны медицина ғылымдарының докторы, "Астана медицина университеті" КЕАҚ профессоры Моренко Марина Алексеевна басқарады.
Қызметі
Кафедраның негізгі ғылыми бағыттары балалардағы әртүрлі патологияны диагностикалау мен емдеудің тиімділігін оңтайландыру болып табылады. Ең көп зерттелетін бағыттар — аллергопатология және иммунды тәуелді аурулар. Кафедра құрылған кезеңнен бері 600-ден астам ғылыми мақала жарияланған, оның ішінде 3 монография, 8 әдістемелік құрал шығарылған, 2 авторлық куәлік, 2 алдын ала патент және 4 өнертабысқа патент алынған. Ғылыми зерттеулердің нәтижелері амбулаториялық желі мен стационарлардағы аллергологтардың жұмысына енгізілген, атап айтқанда: Ана мен бала ұлттық ғылыми орталығы, №1 көпсалалы қалалық балалар ауруханасы және «Үміт» емдеу-сауықтыру орталығы.
Кафедраның профессор-оқытушылар құрамы жоғары кәсіби даярлық деңгейіне ие. Кафедраның барлық оқытушыларының біліктілік дәрігерлік санаттары мен маман сертификаттары бар. Қазіргі уақытта «Жалпы медицина» және «Педиатрия» мамандықтары бойынша 3–4–5–6–7 курс студенттері білім алуда. Оқыту үш тілде келесі пәндер бойынша жүргізіледі:
– «ВОП жұмысындағы балалар аурулары»;
– «Балалар ауруларының негіздері»;
– «Балаларға амбулаториялық көмек»;
– «Балалар ауруларының пропедевтикасы».
Балалар аурулары №1 кафедрасының қызметкерлері Астана қаласының денсаулық сақтау саласындағы жетекші медициналық ұйымдарында оқу үдерісін жүзеге асырады:
ГКП на ПХВ «№1 көпсалалы қалалық балалар ауруханасы»;
ГКП на ПХВ «№2 көпсалалы қалалық балалар ауруханасы»;
«German Medical Centre» ЖШС;
КМК ШЖҚ «№2 перинаталдық орталық»;
КМК ШЖҚ «Отбасылық денсаулық орталығы «Ниет»;
КМК ШЖҚ «№5 қалалық емхана»;
КМК ШЖҚ «№8 қалалық емхана»;
КМК ШЖҚ «№13 қалалық емхана»;
КМК ШЖҚ «№1 қалалық емхана».
Кафедра оқытушылары практикалық денсаулық сақтаумен бірлесіп кең көлемді емдеу-кеңес беру жұмыстарын жүргізеді. Кафедра қызметкерлерінің қатысуымен ғылыми-практикалық және патологоанатомиялық конференциялар, семинарлар, клиникалық обходтар мен консилиумдар өткізіледі.
Кафедра қызметкерлері педагогика және медицина салалары бойынша біліктілікті арттыру курстарында өздерінің кәсіби деңгейін тұрақты түрде арттырып отырады.
Кафедра меңгерушісі Моренко М.А. Германия, АҚШ, Израиль, Дания, Ресей және Беларусь елдерінде тағылымдамадан өткен.
Кафедра профессоры Розенсон Р.И. Ұлыбританиядағы Лондон Корольдік колледжінде (King’s College London) отбасылық медицина бойынша білім алған, сондай-ақ Хиросима университетінде (Жапония) жұмыс істеген.
Кафедра доценттері мен ассистенттері Шнайдер К.В., Галимгожина Н.И., Абдуахасова Г.К., Дудник О.Н. Ресей, Израиль және Беларусь елдерінде тағылымдамадан өткен.
Жетістіктер
Кафедраның ғылыми дәрежелілігі 41%-ды құрайды: 3 медицина ғылымдарының докторы, 3 медицина ғылымдарының кандидаты, 4 PhD доктор, 8 медицина ғылымдарының магистрі бар. Қазіргі уақытта профессор Розенсон Р.И.-нің жетекшілігімен 14 докторлық, 40 кандидаттық және 2 PhD диссертация қорғалған. Профессор Моренко М.А.-ның жетекшілігімен 6 PhD және 9 магистрлік диссертация қорғалған. Кафедра қызметкерлері Еуропалық аллергологтар және клиникалық иммунологтар академиясының, Еуропалық респираторлық қоғамның, Қазақстан Республикасының аллергологтар және клиникалық иммунологтар қауымдастығының, ТМД елдері педиатрлары одағының, сондай-ақ ҚР-ның салалық қауымдастықтарының мүшелері болып табылады.
Байланыс
Нұр-Сұлтан қаласы, пр.Тәуелсіздік 11/1, 5 қабат.
ШЖҚ "Қалалық балалар ауруханасы" МКК
