Сот медицинасы кафедрасы

Мақсаттары

Үздіксіз даму және білім, тәжірибе және ғылымның үштұғырлылығы қағидаттарына негізделген кәсіби құзыреттілігі жоғары, жаңа буынның жоғары мамандандырылған, бәсекеге қабілетті мамандарын даярлау

Задачи

Құрылу тарихы

Целиноград мемлекеттік медицина институтында сот медицинасы кафедрасы 1967 жылдың күзінде ұйымдастырылды. Оны аз ғана уақыт ішінде сот-медициналық зиялы қауымның белді өкілдерінің бірі, көрнекті ғалым, медицина ғылымының докторы, профессор, сот медицинасының тарихшысы Сергей Владимирович Шершавкин басқарды. Одан кейінгі жылдары кафедраны басқарғандар: м.ғ.к., доцент Е.И.Зайцева (1969 – 1980ж.), м.ғ.к., доцент Ю.С.Исаев (1980 – 1986ж.), м.ғ.к., доцент А.С.Жакенов (1986 – 1996ж.), м.ғ.д., профессор Ф.А.Галицкий (1996 – 2010ж.).

Қызмет

Кафедраның қызметі сот-медициналық сарапшы дәрігерлерді даярлау үшін жоғары кәсіптік және жоғары оқу орнынан кейінгі ҚР МЖМБС білім беру бағдарламаларын іске асыруға бағытталған. Кафедраның профессорлық-оқытушылық құрамы оқытуда инновациялық технологияларды пайдалана отырып, студенттердің дағдылары мен құзыреттілігін қалыптастырады. Кафедра оқытушылары Қазақстан Республикасы Әділет министрлігі Сот сараптамалары орталығының Нұр-Сұлтан қаласындағы сот сараптамалары Институтында педагогикалық жұмысты сарапшылық қызметпен ұштастыра отырып, студенттерді процеске белсенді түрде тартады. Сонымен қатар, олар практикалық денсаулық сақтау саласымен ынтымақтасады, құқық қорғау органдары қызметкерлеріне сот-медициналық сараптама мәселелері бойынша кеңестер береді.

Жетістіктері

Кафедраның жұмыс істеу кезеңінде оның қызметкерлері 500-ден астам ғылыми мақалалар шығарды, оның ішінде импакт-факторы бар мақалалар, 3 монография, электронды кітап, оқу құралдары шығарылды, 30-дан астам авторлық куәліктер, өнертабыстарға патенттер мен предпатенттер алынды, Қазақстанның және ТМД елдерінің сот медицинасы қызметкерлерінің ғылыми жұмыстарының жинақтары басылып шығарылды, Қазақстанның және басқа да ТМД елдерінің сот медицинасы мамандарының ғылыми еңбектер жинақтары жарияланды. Кафедраның ғылыми дәрежелік деңгейі 70%-дан астам. Кафедра штатында 1 медицина ғылымдарының докторы, профессор, 2 медицина ғылымдарының кандидаты, доцент, 2 PhD докторы бар. Жыл сайын кафедрадан сот-медициналық сарапшы дәрігерлер даярланып шығып, еліміздің сот-медициналық қызметі жүйесінде өз міндеттерін атқарады. Қосымша білім беру бағдарламаларын іске асыру барысында сот медицинасы және патологиялық анатомия саласында 500-ден астам жас мамандар оқытылды, сот-медициналық қызметте 1000-нан астам сот-медициналық сарапшы, патологоанатом және фельдшер-медициналық қызметкерлер оқытылды. 2013 жылдан бастап кафедрада қосымша білім беру бағдарламалары бойынша қашықтықтан оқыту технологиялары сәтті енгізілді. Кафедра қызметкерлері сот-сараптама саласындағы білім беру бағдарламаларын, «Сот-медициналық сараптама» мамандығы бойынша кәсіби стандарттарды және мемлекеттік тізілімге енгізілген сот-медициналық зерттеулердің бірқатар әдістерін әзірлеушілер болып табылады. Олар Қазақстан Республикасы Денсаулық сақтау министрлігі мен Қазақстан Республикасы Әділет министрлігінің оқу және клиникалық қызметтің әртүрлі бағыттары бойынша жұмыс топтарының мүшелері, Ресей Федерациясы Мәскеу қаласы сот-медициналық сарапшылар қауымдастығының мүшелері. Біздің кафедраның серіктестері: «Семей медицина университеті» КеАҚ-тың Ю.В.Пругло атындағы патологиялық анатомия және сот медицинасы кафедрасы және Department of Forensic Medicine Cukurova University School of Medicine, Adana, Turkey.

Байланыс

Казақстан Республикасы, Астана қ., Абая д, 47 үй, 8 қабат.