RU 
EN 
QZ 
Құрылу тарихы:
Ішкі аурулар интернатурасымен резидентура кафедрасы (қазіргі гастроэнтерология, эндокринология және пульмонология курстарымен ішкі аурулар кафедрасы) 2009 жылы құрылды (№253-н/қ/а бұйрығы, 12.05.2009 ж.). Кафедраның меңгерушісі болып 2009 жылдан бері профессор, медицина ғылымдарының докторы Айнабекова Б. А. қызмет атқарады. Кафедра ұжымының құрылуына доцент Садыбекова Г. Т. және ассистент Трофимова С. В. қатысқан.
Мақсаттары:
Терапевт дәрігердің кәсіби міндеттерін сәтті шешуге қабілетті негізгі, фундаменталды медициналық білім көлемін қалыптастыру; бакалаврлар, интерндер және резиденттердің универсалды және кәсіби құзыреттіліктерін меңгеруін бақылау.
Міндеттері:
1) Медициналық ұйымдардың жетекші білікті мамандарын оқу процесіне тарту: дәрістер оқу, экскурсиялар, оқу сабақтарын өткізу, клиникалық базаларда мамандықтарды таныстыру;
2) Дәрігерлік білім беру мазмұнын жаңа технологияларға сәйкес түзетуге және денсаулық сақтау жүйесіндегі басқару жүйесімен қолданылатын технологияларды ескере отырып оқытушыларға көмек көрсету;
3) Оқушылардың әртүрлі арнайы клиникалық бөлімшелерде жұмысын ұйымдастыру;
4) Оқу-тәрбие шараларын өткізу: шеберлік конкурстары, ғылыми-практикалық конференциялар және басқа да шаралар.
Негізгі қызмет:
Кафедрада 2 медицина ғылымдарының докторы, 16 медицина ғылымдарының кандидаты және 7 PhD докторы жұмыс істейді. 2023 жылға кафедра дәрежелілігі 78,1% құрайды. Біртұтас ұлттық денсаулық сақтау жүйесінде кафедраның 89% қызметкерлері жұмыс істейді. Кафедрада 2-курс және 3-курс студенттері ішкі аурулар пропедевтикасы пәнінен, 4-курс, 6-курс және 7-курс студенттері ішкі аурулар циклы бойынша білім алады. 2021 жылға дейін кафедрада кардиологтар резиденттері, 2022 жылға дейін терапевт резиденттері даярланды. Қазіргі уақытта пульмонологтар, эндокринологтар және гастроэнтерологтар резидентурада білім алуда, 2023 жылдан бастап терапевт резиденттерінің даярлығы қайта жандандырылды. Сонымен қатар, кафедра жыл сайын біліктілікті арттыру факультетінде 9-10 цикл өткізеді. 2024 жылға қарай 14 магистрлік және 8 докторлық диссертациялар сәтті қорғалды.
Бакалаврлар, интерндер және резиденттер даярлығы 8 клиникалық базада жүзеге асырылады: №3 көпсалалы қалалық аурухана, ҚР ІІМ-нің орталық госпиталі мен поликлиникасы, Травматология және ортопедия ғылыми-зерттеу институты, №2 қалалық аурухана, №5 қалалық поликлиника, Қалалық онкологиялық диспансер, Ұлттық ғылыми онкологиялық орталық, Қазақстан Республикасы қорғаныс госпиталі. Кафедра қызметкерлері барлық клиникалық базаларда емдеу және кеңес беру жұмыстарын атқарады.
Барлық оқытушылар белсенді оқыту әдістерін (PBL, TBL, CBL, RBL) пайдаланады, интерндер мен резиденттерге арналған 9 клиникалық сценарий әзірленіп, қолданылады.
Жетістіктер:
Кафедра ұжымы ғылыми-зерттеу жобаларын орындауға белсенді қатысады:
Ғылыми қызмет шеңберінде 2016-2017 жылдары "жұмыс істеудің, тыныс-тіршіліктің және денсаулықтың шектеулерінің (ХКФ) халықаралық жіктемесін ескере отырып, мүгедектікті белгілеудің балдық жүйесін жетілдіру және енгізу"ғылыми-зерттеу жобасы жүзеге асырылды. МӘС және ҚР ДСМ.
2018-2020 жылдары "Өңірдің климаттық-метеорологиялық және экологиялық факторларын ескере отырып, алғашқы медициналық-санитарлық көмек жағдайында негізгі жүрек-қан тамырлары ауруларынан болатын өлім-жітімнің кешенді алдын алу және төмендету" ғылыми-зерттеу жобасы іске асырылды. ҚР ДСМ.
2020-2022 жылдары "Қазақстандық популяциядағы ревматоидты артриттің микробиомдық және геномдық биомаркерлерін анықтау" ғылыми-зерттеу жобасы жүзеге асырылды.
2022-2024 жылдары «РА пациенттеріндегі пробиотикалық терапияның тиімділігін бағалаудағы Иммунологиялық профиль және микробиомдық маркерлер» ғылыми-зерттеу жобасы жүргізілді.
Мәскеу қаласының терапевттер ғылыми қоғамы профессоры П.А. Воробьевпен, Израильдің Ариэль университеті, медицина ғылымдарының докторы Е.Е. Зуевамен және адам микробиомы мен ұзақ өмір сүру зертханасы, Өмір ғылымдары орталығы, ЧУ «National Laboratory Astana», Назарбаев университеті, профессор А.Р. Кушугуловамен ынтымақтастық жалғасуда.
2023-2024 оқу жылында гастроэнтерология, эндокринология және пульмонология мамандықтары бойынша резиденттер мемлекеттік тәуелсіз аттестациядан өтті, пульмонология бойынша орташа балл 92,3%, гастроэнтерология бойынша 87,3%, эндокринология бойынша 91,3% болды.
2023 жылы халықаралық рецензияланатын ғылыми басылымдарда (Web of Science, Scopus, Springer) 5 жұмыс жарияланды. Профессор-оқытушы құрамының қызметкерлері ішінде 1 қызметкердің Хирш индексі 5, 1 қызметкердің Хирш индексі 3, 3 қызметкердің Хирш индексі 2, 7 қызметкердің Хирш индексі 1. 2023-2024 оқу жылында практикалық денсаулық сақтауда 21 енгізілім рәсімделді, 4 авторлық куәлік алынды.
Байланыс мәліметтері, мекен-жайы:
Астана қ., Кабанбай Батыр даңғылы, 66.Тел.: +7 701 537 87 79
e-mail: ainabekova.b@amu.kz, vnutrenniebolezni@mail.ru
