Бүгін «Астана медицина университеті» КеАҚ медицина ғылымдарының докторы, профессор, Ресей Халықтар достығы университетінің перинатология курсымен акушерлік және гинекология кафедрасының меңгерушісі Виктор Радзинский келді. Сапар барысында В.Радзинский университет студенттері, резиденттері және оқытушыларымен оффлайн форматында онлайн қосылу мүмкіндігімен «21 ғасырдағы репродукция және демография» тақырыбында дәріс оқыды, лекцияда Виктор Евсеевич қазіргі заманғы ХХІ ғасырдағы әйелдердің репродуктивті денсаулығын сақтау мақсатында отбасын жоспарлау аспектілері, демографиялық жағдай, сонымен қатар қазіргі қоғамдағы репродуктивті білім беру мәселелері жан-жақты қарастырылған. Кездесу қатысушылар арасында көтерілген кәсіби мәселелерге және оларды шешу жолдарын өз бетінше іздестіруге қызу қызығушылық тудырды.
Виктор Евсеевич – акушер-гинеколог, Ресей Федерациясының еңбек сіңірген ғылым қайраткері, жоғары білімнің құрметті қызметкері, Халықаралық жоғары білім ғылым академиясының және Украина ғылым академиясының толық мүшесі. Радзинский В.Е., 350-ден астам ғылыми еңбектің, оның ішінде 28 монографияның, 4 оқу құралының және 2 оқу құралының авторы. Оның жетекшілігімен 186 кандидаттық және 43 докторлық диссертациялар қорғалды. Ғылыми қызметінің негізгі бағыттары: молекулярлық биология және ұрпақты болу генетикасы, перинатология, гинекологиядағы реконструктивтік пластикалық хирургия, 30 жылдық педагогикалық тәжірибесі бар.
Дәрістен кейін профессор университеттің симуляциялық орталығында болып, оған экскурсия ұйымдастырылды.
Экскурсия барысында Виктор Евсеевич профессор-оқытушылар құрамымен әңгімелесті, симуляциялық кабинеттердің жағдайымен және материалдық-техникалық жабдықталуымен танысты. №1 акушерлік және гинекология кафедрасының доценті Галицкая Т.Н. қонаққа акушерлік дағдыларды жаттықтыруға арналған, оқу үдерісіне енгізілген клиникалық мүмкіндіктерді аша отырып, шынайылығы жоғары «Люцина» робот-симуляторының клиникалық сценарийін көрсетті.
Кездесу соңында Радзинский Виктор Евсеевич симуляциялық орталықтың заманауи жабдықтарын жоғары бағалап, университет оқытушыларының жоғары кәсіби деңгейін атап өтті және университет ұжымына академиялық білімнің дамуында маңызды рөл атқаратын сенімі мен қолдауы үшін алғысын білдірді. осындай іс-шаралар аясындағы ынтымақтастық білімдерін кеңейтіп, денсаулық сақтау саласының дамуына үлес қосады.
