2024 жылғы 18-22 қараша аралығында профессорлық-оқытушылық құрамның академиялық ұтқырлық бағдарламасы аясында «Марат Оспанов атындағы Батыс Қазақстан медицина университеті» КеАҚ қоғамдық денсаулық және денсаулық сақтау кафедрасында «Астана медицина университеті» КеАҚ қоғамдық денсаулық және менеджмент кафедрасының профессоры Сарымсакова Бақыт Ерекешқызы болды.

Өз сапары барысында Бақыт Ерекешевна «Денсаулықты нығайту және аурулардың алдын алу - 2» және «Салауатты өмір салтын қалыптастыру және ЖИТС-пен күрес жөніндегі орталықтың жұмысын ұйымдастыру» пәндері бойынша «Қоғамдық денсаулық сақтау» мамандығының 4-курс студенттеріне арналған дәрістер курсын өткізді. Дәрістердің негізгі мақсаты тәжірибе алмасу, кәсіби құзыреттілікті дамыту, жоғары оқу орындары арасындағы ынтымақтастықты нығайту, сондай-ақ денсаулық сақтау саласындағы ғылыми зерттеулер мен талдаудың қазіргі заманғы тәсілдері туралы білім беру болды.

4-курс студенттері материалдарға белсенді қызығушылық танытып, талқылауларға қатысып, сұрақтар қойды, бұл олардың білімдерін тереңдетуге және қоғамдық денсаулықты басқару саласындағы кәсіби деңгейін арттыруға ықпал етті. Дәрістер «Марат Оспанов атындағы Батыс Қазақстан медицина университеті» КеАҚ белгілеген жоғары академиялық ұтқырлық стандарттарына сәйкес келді.

«Марат Оспанов атындағы Батыс Қазақстан медицина университеті» КеАҚ қоғамдық денсаулық және денсаулық сақтау кафедрасының меңгерушісі, м.ғ.к., қауымдастырылған профессор Людмила Сергеевна Ермухановаға, сондай-ақ іс-шараларды ұйымдастыруға белсенді жәрдемдескені үшін кафедраның оқытушылар құрамына ерекше алғыс білдіреді. Оларды қолдау бағдарламаны табысты іске асыруда, тәжірибе алмасуда және студенттердің кәсіби дағдыларын дамытуда негізгі рөл атқарды.