Тұрмұхамбетова Анар Ақылбекқызы 1992 жылы Қарағанды мемлекеттік медицина институтын бітірген, медицина ғылымдарының докторы.

1994 ж. ҚММИ госпитальдық терапия кафедрасында клиникалық ординатураны аяқтағаннан кейін ішкі аурулар кафедрасының ассистенті ретінде ғылыми-педагогикалық қызметін жалғастырды.

1999 ж. «Сәулелік диагностика, сәулелік терапия» мамандығы бойынша кандидаттық диссертация қорғады.

2000 жылдан бастап Қарағанды қ. «№2 емхана» НЛУ ультрадыбыстық және функционалдық диагностика дәрігері болып жұмыс істеді.

2002 жылдан бастап ҚазММА қосымша медициналық білім беру факультетінің сәулелік диагностика кафедрасының меңгерушісі; Астана қ.; Травматология және ортопедия ҒЗИ сәулелік диагностика бөлімінің аға ғылыми қызметкері, Астана қ.

2007 ж. бастап Астана қаласының Республикалық диагностикалық орталығының сәулелік диагностика және ядролық медицина бөлімін басқарды.

2010 жылдан 2012 жылға дейін Травматология және ортопедия ғылыми-зерттеу институтының ғылыми хатшысы болып жұмыс істеді.

2012 ж. қыркүйектен бастап - ҚМУ ғылыми жұмыс жөніндегі проректоры.

2016 - 2019 жж. дейін ҚММУ стратегиялық даму, ғылым және халықаралық ынтымақтастық жөніндегі проректоры болды.

2019 ж. бастап «ҰАК» КеАҚ стратегиялық даму және ғылым жөніндегі проректоры болып жұмыс істеді.

2022 жылдан бастап «Қарағанды медицина университеті» КеАҚ Басқарма Төрағасы-ректоры қызметін атқарды.

Колумбия университетінде (АҚШ) 2007 жылы ғылыми зерттеулер менеджменті бойынша оқыды. осы уақыттан бастап денсаулық сақтау саласына ғылыми зерттеулердің халықаралық стандарттарын белсенді енгізуде.

Республикалық денсаулық сақтауды дамыту орталығында, "Астана" медициналық университетінде клиникалық эпидемиология және биостатистика бойынша дәрістер оқиды. Ғылыми-техникалық бағдарламалардың, жобалардың ғылыми сараптамасына қатысады. Ол еуропалық рентгенология мектебінде оқыды (Грац қ., Австрия).

2010 ж. «Сәулелік диагностика, сәулелік терапия» мамандығы бойынша докторлық диссертация қорғады.

А. Тұрмұхамбетова көптеген жылдар бойы остеопороз, клиникалық тәжірибеде сәулелік диагностиканы қолданудың қолданбалы аспектілері саласында зерттеулер жүргізіп келеді.

2 монографияның, 1 оқу құралының, 4 патенттің және 206 ғылыми жарияланымның авторы, олардың 41-і Scopus және Web of Science деректер базасына енгізілген. Еуропалық радиологтар қоғамының және Қазақстан рентгенрадиологтар қауымдастығының мүшесі.

Қазақстан Республикасының медицина және медицина ғылымын дамыту саласындағы еңбегі үшін «Қазақстан Республикасының Денсаулық сақтау үздігі», «Қазақстан Республикасының ғылымына сіңірген еңбегі үшін» төсбелгілерімен, Қазақстан Республикасы Денсаулық сақтау министрінің Құрмет грамоталарымен марапатталған.