14 ақпанда Астана қаласында Астана медицина университеті ұйымдастырған «Педиатриядағы заманауи үрдістер» атты XVIII ғылыми-практикалық конференция өтті. Іс-шараға еліміздің түкпір-түкпірінен 230-дан астам балалар дәрігерлері, сондай-ақ Ресей, Беларусь және Өзбекстанның жетекші мамандары қатысты. Конференция Қазақстандағы балалар хирургиясының негізін қалаушы, көрнекті ғалым, академик Камал Ормантаевты еске алуға арналған бір минуттық үнсіздіктен басталды.
Астана медицина университетінің проректоры Виталий Койков құттықтау сөзінде іс шараның маңыздылығын атап өтті:
«Конференция он сегізінші рет өткізіліп, балалар денсаулығының өзекті мәселелерін талқылауға арналған дәстүрлі алаңға айналды. Әрине, қазіргі қоғамдағы педиатрияның рөлі өте маңызды, өйткені бұл біздің балаларымыздың денсаулығы – елдің болашағы. Сіздің алдыңызда үлкен қиындықтар тұр, бірақ сіздің қолыңызда олармен күресудің заманауи әдістері мен құралдары бар. Балалардың денсаулығы тек педиатрлардың ғана емес, сонымен қатар басқа да сала мамандарының ортақ міндеті, сол себептен мұндай кең кәсіби пікірталас алаңы өте маңызды. Барлық қатысушыларға нәтижелі жұмыс, тәжірибе алмасу және жаңа білім алуды тілеймін».
Ғылыми бағдарлама аясында балалар денсаулығының өзекті тақырыптары бойынша баяндамалар ұсынылды. Сагира Абдрахманова, Рашида Сатыбаева, Динагүл Баешева, Евгений Фурман (Ресей), Эвелина Локшина (Ресей), Татьяна Рябова (Беларусь) және Алтина Камилова (Өзбекстан) сияқты 20-дан астам жетекші мамандар бронх демікпесі, ұйқы безінің жеткіліксіздігі, аденоидит, ЖРВИ, гастроэнтерологиялық және балалар арасындағы ортопедиялық аурулар туралы зерттеулерінің нәтижелерімен бөлісті. Диагностиканың, алдын-алу мен емдеудің заманауи әдістеріне, сондай-ақ Микроэлементтердің тапшылығы және олардың баланың дамуына әсері мәселелеріне ерекше назар аударылды.
Конференция аяқталғаннан кейін қатысушыларға Қазақстан Республикасы Денсаулық сақтау министрлігінің талаптарына сәйкес сертификаттар берілді, олар біліктілік санатын арттыруға негіз бола алады.
Конференция аясында 13 ақпан қарсаңында өз ғылыми баяндамаларын ұсынған Қазақстан мен Өзбекстанның жас ғалымдары мен медициналық жоғары оқу орындарының студенттеріне ерекше назар аударылды. Үздік жұмыстар марапаттарға ие болды.
