Астанада медициналық ұйымдар арасында шахматтан спартакиада өтті. Жарыс қорытындысы бойынша Астана медицина университетінің қызметкерлері жеңімпаз атанып, жоғары деңгейдегі шеберлік пен стратегиялық ойлау қабілетін көрсетті.
Біздің университеттің өкілдері:
· Азамат Улханов – нефрология, аллергология және иммунология курстары бар ішкі аурулар кафедрасының ассистенті;
· Бақтияр Серік – қоғамдық денсаулық және гигиена кафедрасының доцент-зерттеушісі;
· Айбарша Есеева – Академик Е.Д. Даленов атындағы профилактикалық медицина ҒЗИ аға оқытушысы.
Турнирді «Ақниет» қазақстандық денсаулық сақтау қызметкерлерінің кәсіподағы филиалы ұйымдастырды. Жарысқа жалпы саны 66 адамнан құралған 22 команда қатысты.
- «Шахмат, медицина сияқты, дәлдікті, шыдамдылықты және әр қадамды алдын ала ойластырып, есептеуді қажет етеді. Біз Астана медицина университетінің атынан қатысып, бірінші орынды иеленгеніміз үшін мақтан тұтамыз. Турнир ұйымдастырушыларына алғысымызды білдіреміз – барлығы жоғары деңгейде өтті!»- деп атап өтті қатысушы Айбарша Есеева.
- «Ұжым атынан және өз атымнан әр жеңімпазды құттықтағым келеді! Бір кездері сіздер батыл қадам жасап, медицина жолын таңдадыңыздар. Бүгін сіз талантты адамның барлық салада табысқа жете алатынын дәлелдедініз. Сіздер – болашақ дәрігерлерге бағыт-бағдар беріп жүрген кәсіби ұстаздар ғана емес, сонымен қатар терең ойлай алатын, шешім қабылдауда ерекше зерек жандар екеніңізді осы турнирдегі жеңістеріңіз арқылы көрсеттіңіздер.
Шахмат – бұл әр қадам маңызды болатын медицинаға ұқсас стратегия, логика және шыдамдылық ойыны. Сіз өзіңіздің мысалыңызбен нақты шешімдерді талдай және қабылдай білу дәрігер мамандығында ғана емес, өмірде де маңызды екенін көрсетесіз.
Сіздердің әрқайсыңыз – өз ісіне адал, білімді әрі тәжірибелі мамансыздар. Дәл осындай ұстаздар болашақ дәрігерлердің жаңа буынын қалыптастырады. Медицина мамандығы оңай емес, алайда сіздер өз тәжірибелеріңіз арқылы білімге құштарлық пен тоқтаусыз дамуға деген талпыныс зор нәтижеге жеткізетінін айқын көрсеттіңіздер.
Біздің студенттер үшін оқытушылардың әрбір жеңісі – алға ұмтылуға, үйренуге және сіз сияқты лайықты маман болуға деген үлкен мотивация екеніне сенімдімін. Алдағы жетістіктер мен жаңа жеңістер тілеймін!», - деп қорытындылады Астана медицина университетінің проректоры Виталий Койков.
