Астана медицина университеті алғаш рет базалық жоғары оқу орны ретінде студенттердің ғылыми-зерттеу жұмыстары (СҒЗЖ) бойынша Республикалық байқаудың ІІ кезеңін өткізуде. Бұл шешімді ҚР Ғылым және жоғары білім министрлігінің Ғылым комитеті қабылдады.

Байқауға Қазақстанның түрлі жоғары оқу орындарынан бірінші (ЖОО ішінде) кезеңнен сәтті өткен студенттер мен студенттік топтар қатысуда. Биылғы жылы байқау төрт бағытты қамтиды: жалпы медицина, қоғамдық денсаулық сақтау, фармация және педиатрия.

Жұмыстар университеттің жетекші ғалымдарынан құралған сарапшылар алқасы тарапынан анонимді түрде бағаланады. Жеңімпаздар мен жүлдегерлерге Қазақстан Республикасы Ғылым және жоғары білім министрлігінің дипломдары табысталады.