Астана медицина университетінің 15 студенті Ташкент фармацевтикалық институтының базасында өндірістік практиканы сәтті аяқтады. Практика академиялық ұтқырлық аясында «Дәрілердің өнеркәсіптік технологиясы» және «Фармакогнозия» пәндері бойынша ұйымдастырылды.

Практика бағдарламасы теориялық білімді тереңдетуге және нақты фармацевтикалық орта жағдайында қолданбалы дағдыларды дамытуға бағытталды. Студенттер дәрілік өсімдік шикізатының табиғи көздерімен танысып, ботаникалық нысандар мен тау аймақтарына барды, сондай-ақ Өзбекстанның жетекші фармацевтикалық кәсіпорындарында дәрілік препараттарды өнеркәсіптік өндіру және заманауи синтез және талдау технологияларын меңгерді.

Шетелдік жоғары оқу орнының практикаға бағытталған білім беру ортасымен танысу студенттерге кәсіби көкжиектерін кеңейтуге, қолданбалы құзыреттерін нығайтуға және фармацевтика саласындағы халықаралық тәжірибемен танысуға мүмкіндік берді.

Ташкенттегі өндірістік практика болашақ фармацевттерді даярлаудағы маңызды кезең және Қазақстан мен Өзбекстанның бейінді оқу орындары арасындағы ынтымақтастықты дамытудың елеулі қадамы болды.