Қазақстан Республикасында жыл сайын маусым айының үшінші жексенбісінде медицина қызметкерлері күні аталып өтеді. Бұл – өмірін адам денсаулығын сақтау мен өмірін құтқару жолындағы абыройлы іске арнаған жандардың кәсіби мерекесі. 2025 жылы бұл күн 15 маусымға сәйкес келеді.

Медицина қызметкерлері күні Қазақстан Республикасы Президентінің 1998 жылғы Жарлығымен бекітілген. Алайда бұл мерекенің тарихы кеңестік кезеңнен бастау алады. 1980 жылы КСРО Жоғарғы Кеңесі Президиумының Жарлығымен медицина қызметкерлерін құрметтеу дәстүрі ресми түрде бекітіліп, бүгінде жалғасын тауып отыр. Кеңестік медицина мектебі Қазақстанда денсаулық сақтау жүйесінің қалыптасуы мен дамуына берік негіз болды және құнды ғылыми-практикалық мұра қалдырды.

Бүгінде медицина қызметкерлері – денсаулық сақтау жүйесінің тұрақтылығы мен адамгершілік қағидаттарының кепілі. Олар бірінші болып науқастың жан күйзелісі мен ауруын қабылдап, күрделі шешімдер қабылдайды, ота жасайды, ем жүргізіп, пациенттің сауығып кету жолында қолдау көрсетеді.

Бұл мамандық тек кәсіби білімді ғана емес, сондай-ақ рухани жігерді, төзімділік пен жанашырлықты, шынайы кәсіби шақыруды талап етеді.

Медицина қызметкерлері күніне орай еліміз бойынша:

·         «Үздік дәрігер», «Үздік ауыл дәрігері», «Медициналық ЖОО-ның үздік оқытушысы» және басқа да номинациялар бойынша үздік мамандар марапатталады;

·         ғылыми-тәжірибелік конференциялар, дөңгелек үстелдер мен семинарлар өткізіледі;

·         медицина ардагерлерімен кездесулер, студенттік бастамалар мен мәдени іс-шаралар ұйымдастырылады.

Астана медицина университеті барлық медицина қызметкерлерін кәсіби мерекемен шын жүректен құттықтай отырып, олардың ерлігіне, жоғары кәсібилігіне және жанкешті еңбектеріне алғыс білдіреді.