Астана қаласының №1 көпбейінді қалалық ауруханасы базасында хирургиялық аурулар, ангиохирургия және пластикалық хирургия курстары бар кафедраның ұйымдастыруымен «Хирургиялық дағдылар» атты жазғы мектеп өтті.

Мектеп бағдарламасы хирургиядағы базалық және қолданбалы дағдыларды дамытуға бағытталды. Оқыту теориялық модульдер мен практикалық сабақтарды қамтыды, оған симуляциялық жаттығулар мен клиникалық жұмысқа қатысу кірді. Асептика мен антисептика қағидаларын сақтау, сондай-ақ операциялық блок жағдайында кәсіби коммуникацияны қалыптастыруға ерекше назар аударылды.

Мектеп қатысушылары жараны алғашқы хирургиялық өңдеу, лапароцентез және торакоцентез, жедел іріңді маститті ашу, дәстүрлі және лапароскопиялық аппендэктомия, геморрой түйіндерін склеротерапия және легирлеу әдістерін меңгерді. Практикалық дағдылар манекендерде, фантомдарда және жасанды теріде өткізіліп, кейін оқытушылардың бақылауымен операциялық жағдайларда қолданылды.

Жазғы мектеп болашақ дәрігерлердің теориялық білімін бекіту, клиникалық біліктілігін жетілдіру және кәсіби қызметтегі сенімділігін арттыру жолында тиімді алаң болды.