Қоғамдық денсаулық және менеджмент кафедрасында кафедра меңгерушісі, м.ғ.к., профессор Тұрғамбаева А.К. мен м.ғ.д., профессор Сарымсакова Б.Е. жетекшілігімен ЮНЕСКО-ның Биоэтика бойынша Дүниежүзілік күніне орай дөңгелек үстел өткізілді.

Іс-шара Қазақстанның медициналық жоғары оқу орындарында биоэтиканы оқыту мәселелерін талқылау мақсатында оқытушыларды, студенттерді және халықаралық сарапшыларды біріктірді. Дөңгелек үстелдің басты тақырыбы – болашақ дәрігерлердің кәсіби мәдениетін қалыптастырудағы биоэтиканың рөлі және медициналық білім беру жүйесіндегі гуманистік құндылықтарды дамыту болды.

Дөңгелек үстел жұмысына биоэтика бойынша халықаралық сарапшылар – В.Н.Сокольчик (Беларусь), Т.А.Құдайбергенова (Қырғызстан), З.М.Мұхамедова (Өзбекстан), Г.М.Усатаева (Әл-Фараби атындағы ҚазҰУ), С.Д.Асфендияров атындағы ҚазҰМУ өкілдері, оқытушылар мен студенттер қатысты.

Қатысушылар биоэтиканың XXI ғасыр дәрігерін кәсіби даярлаудың ажырамас бөлігі екенін атап өтті. Ол гуманизмнің, кәсіби жауапкершіліктің және медициналық тәжірибеде этикалық тұрғыдан негізделген шешім қабылдау мәдениетінің негізін қалыптастырады.

Талқылау нәтижесінде биоэтиканы оқытуды жетілдіру, цифрлық білім беру ресурстарын дамыту және Қазақстанның жоғары оқу орындары арасында биоэтика саласындағы ұлттық ынтымақтастық желісін құру жөнінде ұсыныстар әзірленді.

Дөңгелек үстел аясында студенттік бастамаларға ерекше назар аударылды: «Жалпы медицина» мамандығының 3-курс студенттері қазіргі медициналық тәжірибедегі этикалық дилеммаларға арналған жобаларын ұсынып, байқауға қатысты.

Айта кету керек, «Биоэтика» пәні Қоғамдық денсаулық және менеджмент кафедрасында 2012 жылдың қазан айынан бастап енгізілген. 2018 жылдан бастап кафедра Израильдің Хайфа университетіндегі ЮНЕСКО халықаралық биоэтика кафедрасының желілік бөлімшелерінің бірі болып табылады. Бұл өз кезегінде халықаралық ынтымақтастықты нығайтуға және Қазақстандағы медициналық білім берудегі этикалық мәдениетті дамытуға ықпал етеді.