Amgen Scholars 2026 халықаралық жазғы ғылыми-зерттеу бағдарламасына студенттердің қатысуына өтінімдер қабылдау ашық.

Amgen Scholars — Amgen Foundation қолдауымен жүзеге асырылатын, биомедицина, молекулалық және биологиялық ғылымдар, фармакология және сабақтас салалар бойынша студенттердің ғылыми әлеуетін дамытуға бағытталған жаһандық жазғы зерттеу бастамасы. Бағдарлама аясында қатысушылар әлемнің жетекші университеттерінің зертханаларында академиялық ғылыми жетекшілердің жетекшілігімен жұмыс істеу мүмкіндігіне ие болады.

Бағдарламаның мақсаты: студенттерге ғылыми-зерттеу қызметінде халықаралық тәжірибе беру, зертханалық тәжірибе, зерттеу әдістері және ғылыми жобаларға қатысу дағдыларын дамыту.
Форматы: зертханаларға қатысу, семинарлар мен симпозиумдарға қатысу арқылы өтетін күндізгі ғылыми-зерттеу тағылымдамалары.
Өткізілетін орны: Еуропа, Азия және әлемнің жетекші университеттері (мысалы, LMU Munich, University of Cambridge, National University of Singapore, University of Tokyo, Kyoto University және т.б.).
Қаржыландыру: шәкіртақы, тұру шығындары, жол шығындарының бір бөлігі, бағдарлама іс-шараларына қатысу қабылдаушы университеттің шарттарына сәйкес ұйымдастырушылар тарапынан қамтамасыз етіледі.

Бағдарламаға 2–4 курс бакалавриат студенттері келесі білім беру бағдарламалары бойынша қатыса алады: медицина, стоматология, педиатрия, қоғамдық денсаулық сақтау, медициналық-профилактикалық іс, фармация, мейіргер ісі.

Қатысу клиникалық тәжірибені емес, ғылыми-зерттеу бағытын көздейді.

Өтінім беру мерзімі: 2026 жылғы 1 ақпан.

Қажетті құжаттар:

• мотивациялық хат;
• транскрипт;
• түйіндеме (CV);
• оқытушылардан ұсыным хаттар.

Бағдарлама туралы толық ақпаратты және өтінім беру тәртібін ресми сайттан білуге болады: https://amgenscholars.com.