Астана медицина университеті халықаралық интеграция жолында тағы бір сенімді қадам жасады: университетке Азиядағы жетекші ғылыми-білім беру орталықтарының бірі - Цукуба университетінің (Жапония) делегациясы келді. Бұл сапар тек ресми кездесу ғана емес, медицина, ғылым және білімнің болашағына арналған мазмұнды диалог болды.
Жапон делегациясының құрамына медицина кафедрасының қауымдастырылған профессорлары Kobayashi Yusuke және Taniguchi Yuta, гуманитарлық және әлеуметтік ғылымдар факультетінің ассистент-профессоры Sono Fumoto, сондай-ақ медицина бағытындағы студенттер кірді. Қонақтарды стратегиялық даму және халықаралық ынтымақтастық жөніндегі проректор Мысаев Аян , Қоғамдық денсаулық және менеджмент мектебінің деканы Баймагамбетова Айгерим , сондай-ақ профессор-оқытушылар құрамы мен ғылыми бөлімшелердің өкілдері қарсы алды.
Кездесудің ресми бағдарламасы университеттің білім беру және ғылыми әлеуетін таныстыруды, сондай-ақ екі университет арасындағы бірлескен академиялық және ғылыми бастамаларды дамыту перспективаларын талқылауды қамтыды. Қазіргі медицинаның стратегиялық маңызды бағыты ретінде қоғамдық денсаулық сақтауды дамытуға ерекше назар аударылды.
Сапардың маңызды оқиғасы Цукуба университеті мен Астана медицина университеті арасында ұзақ мерзімді академиялық серіктестікті нығайтуға бағытталған академиялық алмасу және ынтымақтастық туралы келісімге қол қою болды. Бұл құжат студенттер мен оқытушылардың академиялық ұтқырлығын арттыруға, бірлескен ғылыми зерттеулер жүргізуге және білім беру бастамаларын жүзеге асыруға жаңа мүмкіндіктер ашады.
Университет инфрақұрылымымен танысу симуляциялық орталықта жалғасты, онда қонақтар медициналық кадрларды даярлаудың заманауи тәсілдерін бағалап, дәрістік кездесуге қатысып, профессор-оқытушылар құрамымен академиялық тәжірибе алмасты.
Бұл сапар халықаралық байланыстарды нығайтудың маңызды белгісі болып, Астана медицина университетінің жаһандық білім беру және ғылыми кеңістіктің бір бөлігі болуға ұмтылысын тағы бір мәрте дәлелдеді. Әлемнің жетекші университеттерімен серіктестікті кеңейте отырып, университет ғылымды, білімді дамытуға және жаңа буын мамандарын даярлауға жаңа мүмкіндіктер ашады.
