Астана Медицина университетінің 9 білім алушылары Ташкент фармацевтикалық институтының базасында «Дәрілердің өнеркәсіптік технологиясы» және «Фармакогнозия» пәндері бойынша өндірістік практикадан өтті.

Бағдарламаға дәрілік өсімдік шикізатын дайындау бойынша көшпелі сабақ және дәрілік дақылдардың түр құрамын зерттеу үшін ботаникалық баққа экскурсия кірді.

Студенттер Өзбекстанның жетекші фармацевтикалық кәсіпорындарында болды: Gerbofarm, «BALZAM» ЖШС, Bayan Medical, GMP стандарттары бойынша жұмыс істейтін «NOBEL PHARMSANOAT» ЖШС және «Belpharm» ЖК. Өндірісті ұйымдастыру, ДӨШ сақтау және қайта өңдеу, сапаны бақылау және дайын дәрілік нысандарды шығарумен танысты.

Практика болашақ фармацевтерге теориялық білімдерін бекітіп, практикалық дағдылар мен халықаралық білім беру ортасындағы тәжірибе алуға мүмкіндік берді. Іс-шара Қазақстан мен Өзбекстанның медициналық ЖОО арасындағы ынтымақтастықты нығайтты.