21–24 қазан аралығында Оңтүстік Кореяның Пусан қаласында әлемнің 61 елінен 4500-ден астам қатысушыны біріктірген APHRS 2026 халықаралық конгресі өтті.

2026 жылдың маңызды оқиғаларының бірі — Аян Сүлейменұлы Абдрахманов басқаратын Қазақ аритмологтар қоғамының APHRS (Asia Pacific Heart Rhythm Society — Азия-Тынық мұхиты жүрек ырғағы қоғамы) құрамына кіруі. Бұл халықаралық ынтымақтастық үшін жаңа мүмкіндіктер ашады.

Қазақстан атынан 25 қатысушы қатысып, 35-тен астам ғылыми баяндама жасады.

«Астана медицина университеті» КеАҚ Жүрек ырғағы ғылыми-зерттеу институтының атынан қатысқан мамандар:

Абдрахманов А.С. — ҒЗИ директоры, медицина ғылымдарының докторы, профессор. Баяндама жасап, APHRS және SrHRS секцияларын қоса алғанда, бірнеше ғылыми секцияға модератор болды.

Калимбетова А.Б. — жетекші ғылыми қызметкер, PhD. «Коронарлық артерияларды стенттеуден кейін жаңа жүрек-қантамыр оқиғаларының даму қаупін молекулалық-генетикалық болжау» тақырыбында баяндама жасады.

 Киркимбаева Р.Е. — PhD ізденушісі. Ғылыми жұмысының нәтижелерін ұсынды.

 Марат Г. — PhD ізденушісі. Ғылыми зерттеу нәтижелерін таныстырып, командалық ойын мен марафонға қатысты.

Есенов Т.К. — 3-курс докторанты. Ғылыми баяндама жасады.

Конгресс жоғары деңгейде ұйымдастырылуымен, ғылыми мазмұнымен және ауқымды бағдарламасымен ерекшеленді. APHRS 2026 конгресіне қатысу халықаралық сарапшылармен тәжірибе алмасуға, отандық зерттеулерді таныстыруға және кәсіби байланыстарды нығайтуға мүмкіндік берді.