23 қаңтар күні Қазақстан республикасының білім және ғылым министрлігі парақшасына «ЖОО ҮЗДІК ОҚЫТУШЫСЫ – 2020» байқауының жеңімпаздары тізімі жарияланды. Конкурсқа республиканың 73 жоғары оқу орнынан 623 үміткер қатысқан. Оқытушылардың қызметі үміткерлердің жұмысын бағалаудың өзекті сапалық және сандық 2 блоктан тұратын көрсеткіштері бойынша бағаланды: I блок – оқыту сапасы, II блок – ғылыми-зерттеу қызметі.
Әріптесіміз, «Астана медицина университеті» КеАҚ, Әлеуметтік – гуманитарлық ғылымдар кафедрасының профессоры Мажитова Жанна Сабитбекқызы «ЖОО ҮЗДІК ОҚЫТУШЫСЫ – 2020» байқауының жеңімпазы атанды.
Мажитова Жанна Сабитбекқызын шын жүректен жеңісімен құттықтаймыз! Зор денсаулық, отбасына амандық, шығармашылық табыс тілейміз! Еңбегіңіз елене берсін!
