Халықаралық нашақорлыққа және есірткінің заңсыз айналымына қарсы күрес күніне арналған айлық аясында Астана медицина университетінің Жастар ісі және спорт орталығы ерлер арасында футболдан "Ректор кубогы" турнирін өткізді.

Барлық курстар мен факультеттердің студенттерінен, сондай-ақ университет қызметкерлерінен құралған 24 команда турнирге белсене қатысты.

200-ге жуық адам қатысқан турнирді "достық турнирі" деп атауға әбден болатын еді, себебі спорт жарысына тек жерлестеріміз ғана емес, Өзбекстан, Үндістан, Иордания және басқа да елдердің тумалары да ат салысты.  

Жеңіс үшін қызу тартыста "FC Gаlaction" командасы "АстМУ ректорының Кубогын" жеңіп алды. Екінші орынды "Антихайп" командасы, ал үшінші орынды "ФК Легион" командасы иеленді.

АстМУ атынан турнир жеңімпаздары мен жүлдегерлерін құттықтаймыз! Спорт пен шығармашылық табыс тілейміз.