АҢДАТПА

Астана медицина университетінде Инклюзивті балабақша ашылады

Өткізу күні: 2022 ж. 1 маусым, сағат 09-00.

Өтетін орны: Нұр-Сұлтан қаласы, Б. Момышұлы даңғ., 15/1

Ұйымдастырушы: Астана медицина университеті

Аккредиттеу: +7 707 823 70 70

Қысқаша ақпарат:

2022 жылдың 1 маусымында Астана медициналық университетінің (АстМУ) бастамасымен Нұр-Сұлтан қаласында инклюзивті балабақша ашылады.

Медицина университетінің қолданыстағы базасында Инклюзивті балабақша құру жөніндегі бастамасын Нұр-сұлтан қаласының әкімдігі қолдады.

Инклюзивті балабақша дегеніміз - балаларға психологиялық-педагогикалық және медициналық-оңалту көмегін көрсету үшін педагогикалық кадрлар мен профессорлық-оқытушылық құрамның әлеуетін ұтымды пайдалануға мүмкіндік беретін алғашқы бірегей бірлескен жоба.

Ұжымның ұлттық және халықаралық стандарттарға сәйкес заманауи педагогикалық және оңалту әдістерін енгізу мүмкіндігі бар. Бұл ерекше қажеттіліктері бар балалар үшін ыңғайлылықтың, қауіпсіздік пен жайлылықтың тиісті деңгейін қамтамасыз етеді.  

Бүкіл әлемде медицина университеттерінің студенттері бірінші жылдан бастап Оқу уақытының көп бөлігін клиникаларда өткізеді. Балабақшаның қатысуымен бірлескен жоба клиникалық базалар тізбесін кеңейтеді, медициналық білім беру сапасын жақсартады, мектепке дейінгі ұйымдар деңгейінде балаларға көмек көрсету бойынша қосымша құзыреті бар дарынды дәрігерлерді даярлауды қамтамасыз етеді.

Балабақшаның ашылу салтанатына ҚР Парламенті Мәжілісінің депутаты Павловец Лариса Павловна, медицина университетінің проректоры Көшерова Бақыт Нұрғалиқызы, университеттің оқытушы-профессорлар қауымы мен қызметкерлері қатысты.

Бұл жобаның қала үшін тартымдылығы:

сөйлеу қабілеті бұзылған, аутистік спектрдің, орталық жүйке жүйесінің бұзылулары, оқуда, қарым-қатынаста, мінез - құлықта қиындықтары бар балаларға кешенді психологиялық-медициналық-педагогикалық көмек көрсету мүмкіндігі бар.

Университет үшін жобаның тартымдылығы:

Физикалық медицина және оңалту дәрігерлерін, кинезиотерапевтерді, невропатологтарды, сурдологтарды, педиатрларды, эрготерапевтерді практикалық оқытуға, мектеп жасына дейінгі балаларға арналған реабилитологияда, нутрициологияда жаңа әдістерді әзірлеуге және енгізуге арналған клиникалық база болып табылады.