Оңтүстік Кореяның астанасы Сеулде Корей онкологиялық қауымдастығының жыл сайынғы жиналысымен бірлескен Азиялық онкологиялық қоғамның 2-ші халықаралық конгресі (AOS-2022) өтті.

    Бұл конгреске біздің университеттің Кардиоторакалды хирургия және ЖБХ курстары бар Хирургиялық аурулар кафедрасының студенттері, интерндері мен қызметкерлері белсене қатысты (кафедра меңгерушісі – Кожахметов С.К., мғк, асс.профессор).

      Солардың арасынан АстМУ интерні Жансая Тельманова "Central Asian Institute for Medical Research" қоғамдық бірлестігі мен "Re-Search Trends" ғылыми клубының ғылыми-зерттеу жұмысы аясында профессор Н.С.Игісіновтің жетекшілігімен «The impact of COVID-19 on the incidence of rectal cancer in Kazakhstan: Results of component analysis» (Covid-19-ның Қазақстандағы тік ішек обырымен сырқаттанушылыққа әсері: компоненттік талдау нәтижелері) тақырыбына стендтік тезистік презентация жасаған болатын.

  Нәтижесінде Жансаяның стенді үздік деп танылып, интерніміз AOS-2022 марапатына ие болды.

АстМУ ұжымының атынан Жансаяны жеңісімен құттықтаймыз!