1994 жылы Целиноград мемлекеттік медицина институтын бітірген. Медицина ғылымдарының докторы.

1996 жылдан бастап Целиноград мемлекеттік медицина институтының госпитальдық хирургия кафедрасында оқытушы-стажер ретінде ғылыми-педагогикалық қызметін бастаған.

2000 жылы «Хирургия» мамандығы бойынша медицина ғылымдарының кандидаты ғылыми дәрежесін алу үшін диссертация қорғады.

2001–2004 жылдары — Ақмола мемлекеттік медицина академиясының №1 хирургиялық аурулар кафедрасының доценті.

2004 жылы — Ақмола мемлекеттік медицина академиясының дәрігерлердің біліктілігін арттыру факультетінің хирургия кафедрасының доценті.

2005–2009 жылдары — ҚазММА-ның факультеттік хирургия және урология курсы кафедрасының доценті.

2006 жылы «Хирургия» мамандығы бойынша медицина ғылымдарының докторы ғылыми дәрежесін алу үшін диссертация қорғады.

2009–2010 жылдары — АМУ-дың хирургиялық аурулар №3 кафедрасының профессоры.

2010–2020 жылдары — АМУ-дың хирургиялық аурулар №1 кафедрасының меңгерушісі.

2011–2015 жылдары — Астана қаласындағы «№2 қалалық аурухана» ШЖҚ МКК-нің жалпы хирургия бөлімінің меңгерушісі (мезгіл-мезгіл хирургиялық қызмет бойынша бас дәрігердің орынбасары міндетін атқарған).

2019–2020 жылдары — «Астана медицина университеті» КеАҚ Сенатының алғашқы төрағасы.

2020–2021 жылдары — COVID-19 инфекциясынан кейін оңалту курсынан өтті.

2021–2023 жылдары — Түркияда тағылымдамадан өтіп, Түркия Республикасында медициналық қызмет көрсетуге мемлекеттік лицензия иеленді.

2024 жылдан бастап — «Астана медицина университеті» КеАҚ профессор Цой Г.В. атындағы хирургия кафедрасының профессоры.

Германия мен Израильде хирургиядағы инновациялық әдістер және студенттердің білімін бағалау әдістемелері бойынша тағылымдамалардан өтті.

Марапаттары:

– «Денсаулық сақтау үздігі» (2007 ж.)

– «Денсаулық сақтау ісіне қосқан үлесі үшін» (2018 ж.)

– «Астана медицина университеті» КеАҚ-ның «Құрметті ұстаз» атағы (2019 ж.)

Бір монографияның, бір оқу құралының, үш патенттің және 100-ден астам ғылыми жарияланымның авторы.