Астана медицина университетінің HR басқармасы Қазақстан Республикасы Денсаулық сақтау министрлігінің Персоналды басқару департаменті ұйымдастыратын «Мамандығының үздігі» өңірлік байқауының басталғанын хабарлайды. Байқау Қазақстан Республикасы Денсаулық сақтау министрінің 2024 жылғы 28 маусымдағы №44 бұйрығымен бекітілген «Мамандығының үздігі» атағын беру қағидаларына сәйкес өткізіледі.

Байқау номинациялары:

-        «Медициналық ЖОО-ның үздік оқытушысы»

-        «Денсаулық сақтау саласындағы үздік ғалым»

Кімдер қатыса алады?

Байқауға медициналық ЖОО-ларда кемінде 7 жыл үздіксіз педагогикалық немесе ғылыми жұмыс өтілі бар оқытушылар мен ғылыми қызметкерлер қатыса алады (қоса атқарушылардан басқа).

Құжаттарды қалай тапсыруға болады?

-        Құжаттар хабарландыру жарияланған күннен бастап 2025 жылғы 4 сәуірге дейін қабылданады.

-        Конкурсқа қатысуға арналған материалдар HR басқармасына электронды түрде тапсырылуы қажет. Көрсетілген мерзімнен кейін қабылданған құжаттар қарастырылмайды.

Қажетті құжаттар тізімі:

-        Байқауға қатысуға өтінім (Қағидалардың 1-қосымшасына сәйкес);

-        Қатысушы портфолиосы (Қағидалардың 2-қосымшасына сәйкес);

-        Жетістіктерді растайтын құжаттар (сапалық және сандық көрсеткіштерге сәйкес, Қағидалардың 1, 2, 5, 7-қосымшалары).

Байқау ережелері мен қажетті құжаттардың үлгілері хабарландыруға қоса тіркелген.